აშშ მხარს უჭერს ისრაელის უფლებას დაიცვას საკუთარი თავი და მშვიდობიანი მოსახლეობა – აშშ-ის თავდაცვის მდივანი

161
წაკითხვა/ნახვა
რეკლამა -------------------- IMG.GE

აშშ-ის თავდაცვის მდივანმა ლოიდ ოსტინმა ისრაელის თავდაცვის მინისტრთან ბენი განცთან სატელეფონო საუბარი გამართა. ინფორმაციას ამის შესახებ პენტაგონის პრესსამსახური ავრცელებს.

„ლოიდ ოსტინმა კიდევ ერთხელ დაადასტურა აშშ-ის ურყევი მხარდაჭერა ისრაელის უფლებისადმი დაიცვას საკუთარი თავი და მშვიდობიანი მოსახლეობა. მან მწუხარება გამოთქვა ისრაელისა და პალესტინის უდანაშაულო მოქალაქეების დაღუპვის გამო. ლოიდ ოსტინმა მხარდაჭერა გამოუცხადა კონფლიქტის დეესკალაციისა და სიმშვიდის აღდგენას“, – ნათქვამია პენტაგონის განცხადებაში.

10 მაისიდან დღემდე, ღაზის სექტორიდან ისრაელის მიმართულებით 3 440 რაკეტა გაუშვეს.

17 მაისს ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი ტერორისტულ სამიზნეებზე იერიშის მიტანას განაგრძობს.

ღაზის სექტორში სამხედრო ოპერაციის ფარგლებში, ისრაელის არმიამ 150-ზე მეტი ტერორისტი გაანადგურა.

კომენტარები
რეკლამა
მოწონება