იაპონიის ელჩი ნიკო ფიროსმანაშვილის მუზეუმს ეწვია

180
წაკითხვა/ნახვა
რეკლამა -------------------- IMG.GE

 იაპონიის საგანგებო და სრულუფლებიანი ელჩი საქართველოში აკირა იმამურა მირზაანში, ნიკო ფიროსმანაშვილის სახელმწიფო მუზეუმში იაპონელი ხელოვანის – კოშუს (აკემი ლუკასი) კალიგრაფიის ნამუშევრების პერსონალურ გამოფენის გახსნას დაესწრო. აკირა იმამურა ფიროსმანის მუზეუმში კახეთის მხარეში სამხარეო რწმუნებულთან ირაკლი შიოშვილთან, დედოფლისწყაროს მუნიციპალიტეტის მერთან ნიკოლოზ ჯანიაშვილთან და სიღნაღის მუნიციპალუიტეტის მერთან გიორგი გოგილაშვილთან ერთად იმყოფებოდა. ნიკოლოზ ჯანიაშვილმა სტუმარი დედოფლისწყაროს მუნიციპალიტეტში იაპონური კულტურის პოპულარიზაციაში შეტანილი განსაკუთრებული წვლილისათვის საპატიო სიგელით დააჯილდოვა. მირზაანში აკირა იმამურამ ასევე ახალგაზრდა მირზაანელი მხატვრის, ბელა ლობჟანიძის ნამუშევრებიც დაათვალიერა. დედოფლისწყაროს მუნიციპალიტეტში სტუმრობამდე ელჩი და ხელისუფლების წარმომადგენლები სიღნაღში იმყოფებოდნენ, სადაც იაპონელი მხატვრისა და ფიროსმანოლოგის, ტაკეჰიდე ჰარადას პერსონალური გამოფენა გაიმართა. ღონისძიებები მუზეუმების საერთაშორისო დღეს მიეძღვნა. მირზაანში აკემი ლუკასის შემოქმედების დათვალიერების საშუალება მსურველებს 18 ივლისამდე შეეძლებათ.

კომენტარები
რეკლამა
მოწონება