“საქართველოს მოსახლეობის დაახლოებით 25%-30% სტაბილურად შედგება გაცნობიერებული და გაუცნობიერებელი მოღალატეებისაგან” – ამის შესახებ საკუთარ “ფეისბუქ” გვერდზე სააკაშვილის ხელისუფლების ყოფილი მაღალჩინოსანი გიორგი არველაძე წერს.
“ერთ მეცნიერულ ჭეშმარიტებას გაგიმხელთ, მაგრამ არ გეწყინოთ.
მრავალწლიანი საზოგადოებრივი აზრის კვლევების ანალიზის შედეგების საფუძველზე, შემიძლია დანამდვილებით გითხრათ, რომ საქართველოს მოსახლეობის დაახლოებით 25%-30% სტაბილურად შედგება: ა) გაცნობიერებული მოღალატეებისაგან; ბ) გაუცნობიერებელი მოღალატეებისგან, ანუ იმდენად უვიცებისგან, რომ საკუთარ მოღალატეობას ვერც აცნობიერებენ.
ჯამში ქვეყნის ერთი მეოთხედი არის ქვეყნის მოღალატე. ეს დიდი ეროვნული ტრაგედიაა.
და ამაზე არავინ ლაპარაკობს,” – წერს საკუთარ გვერდზე გიორგი არველაძე.
გიორგი არველაძე არის ავტორი ცნობილი მოდელირებული ქრონიკის, რომელიც 2009 წელს, იმედის ეთერით გავიდა. იმ პერიოდში ის მისი ზემდგომების დავალებას ასრულებდა.