ლევან ხაბეიშვილის დასახელებას და მისი წარდგენასაც აქვს ფორმალური ხასიათი, მაგრამ არის განმაპირობებელი და კიდევ ერთი მტკიცებულება იმის, თუ როგორ მიმდინარეობს შიდა დაპირისპირებები ამ პარტიაში, – ამის შესახებ ფრაქცია „ქართული ოცნების“ თავმჯდომარის პირველმა მოადგილემ, გივი მიქანაძემ განაცხადა.
„ამ პარტიას არანაირი მომავალი არ აქვს იმიტომ, რომ ეს პარტია წარსულში დარჩა, ვერანაირად ვერ განვითარდა და დღითიდღე ამ პარტიას მხარდამჭერებიც კი აკლდებიან“, – განაცხადა გივი მიქანაძემ.
„ნაციონალური მოძრაობის“ პარტიის თავმჯდომარის პოსტზე, ლევან ხაბეიშვილმა საკუთარი კანდიდატურა დაასახელა. ის პარტიის თავმჯდომარის არჩევნებში მიიღებს მონაწილეობას.