დიდი ბრიტანეთის საგარეო საქმეთა მინისტრმა, ჯეიმს კლევერლიმ განაცხადა, რომ უკრაინაზე რუსეთის სარაკეტო თავდასხმები პუტინის სისუსტეს ცხადყოფს.
„უკრაინის ქალაქებზე ამაზრზენი სარაკეტო თავდასხმები მხოლოდ პუტინის სისუსტეს ცხადყოფს. პუტინი აგებს ბრძოლის ველზე და როგორც დღეს ვნახეთ G20-ის სამიტზე, დიპლომატიურადაც აგებს“, – აღნიშნა დიდი ბრიტანეთის საგარეო საქმეთა მინისტრმა.
რუსეთმა უკრაინის ქალაქებზე სარაკეტო თავდასხმა განახორციელა. აფეთქებები ისმის კიევში, ლვივში, ხარკოვსა და სხვა ქალაქებში. რუსეთის სარაკეტო თავდასხმის შედეგად, უკრაინის დედაქალაქ კიევში, სულ მცირე, ერთი ადამიანი დაიღუპა.