„ნაციონალურ მოძრაობაში“ დაპირისპირება გაგრძელდება, რაც ამ პარტიის შემდგომ ფრაგმენტაციასა და დაშლას გამოიწვევს,- ამის შესახებ საპარლამენტო უმრავლესობის წევრმა ირაკლი ქადაგიშვილმა განაცხადა.
„მათი მიზანი ერთადერთია, რომ ქვეყანაში არაკონსტიტუციური გზით ჩაიგდონ ხელისუფლება ხელში. ფსონი მელიაზე იყო დადებული, მაგრამ მისი ხელმძღვანელობით მათ მიზნების განხორციელება ვერ მოახერხეს, ამიტომ ახლა ფიქრობ, რომ ალბათ სხვა ვინმე უნდა იყოს, ვინც ამ რევოლუციურ სცენარს განახორციელებს. ვფიქრობ, ეს დაპირისპირება გაგრძელდება, რაც ამ პარტიის შემდგომ ფრაგმენტაციასა და დაშლას გამოიწვევს“, – აღნიშნა ქადაგიშვილმა.
„ნაციონალური მოძრაობის“ წევრების ნაწილი პარტიის თავმჯდომარის და პოლიტსაბჭოს არჩევნების ჩატარებას ითხოვს.