განვიხილავთ, როგორ შეგვიძლია კიდევ უფრო გავაძლიეროთ როგორც პოლიტიკური, ასევე პრაქტიკული თანამშრომლობა და პარტნიორობა საქართველოსთან, – განაცხადა ნატოს გენერალურმა მდივანმა, იენს სტოლტენბერგმა.
„სასიამოვნო იყო საქართველოს საგარეო საქმეთა მინისტრთან შეხვედრა და მასთან საუბარი. ასევე გვქონდა ორმხრივი შეხვედრა. მნიშვნელოვანია, რომ მჭიდრო კონტაქტები გვაქვს საქართველოსთან. ეს ცხადყოფს საქართველოსა და ნატოს პარტნიორობის სიძლიერესა და მნიშვნელობას. ჩვენ ასევე ვმუშაობთ იმაზე, თუ როგორ გავაძლიეროთ ჩვენი პარტნიორობა, მათ შორის უკვე შეთანხმებული პაკეტის გაუმჯობესებითა და გაძლიერებით. ჩვენ განვიხილავთ, თუ როგორ შეგვიძლია კიდევ უფრო გავაძლიეროთ როგორც პოლიტიკური, ასევე პრაქტიკული თანამშრომლობა და პარტნიორობა საქართველოსთან. სტრატეგიული კონცეფციის მიმართულებით ძალიან ბევრ რამეზე შევთანხმდებით მადრიდში, მაგრამ მოკავშირეები ამბობენ და თანხმდებიან, რომ ნატოს კარი ღიაა და მნიშვნელოვანია, რომ ჩვენ მჭიდროდ ვიმუშაოთ ჩვენს პარტნიორებთან, მაგალითად, საქართველოსთან, რომელიც ნამდვილად დიდი ზეწოლის ქვეშ არის რუსეთის მხრიდან“, – აღნიშნა ნატოს გენერალურმა მდივანმა.
საქართველოს პრემიერ-მინისტრი ირაკლი კობახიძე, ყაზახეთის რესპუბლიკის პრემიერ-მინისტრ ოლჟას ბეკტენოვთან ერთად, ყაზახეთის...