მას შემდეგ, რაც ირაკლი ღარიბაშვილი პრემიერი გახდა, არც ერთი თვე ჩვენ მინუსი არ გვქონია და გვქონდა მაღალი ეკონომიკური ზრდა, – ამის შესახებ „ქართული ოცნების“ თავმჯდომარემ, ირაკლი კობახიძემ გადაცემა „იმედი LIVE“-ში განაცხადა.
„ჩვენი, მთლიანი შიდა პროდუქტი დოლარში, ერთ სულ მოსახლეზე იყო დაახლოებით 4 250 დოლარი გასული წლის დასაწყისში. მაშინ, როცა ირაკლი ღარიბაშვილი პრემიერ-მინისტრი გახდა იყო 4 200 დოლარი, პირველი ორი თვე, შარშან გვქონდა მინუსი, ანუ იანვარ-თებერვალი იყო ეკონომიკის კლება. მას შემდეგ, რაც ირაკლი ღარიბაშვილი პრემიერი გახდა, არცერთი თვე ჩვენ მინუსი არ გვქონია და გვქონდა მაღალი ეკონომიკური ზრდა.
შარშანდელი წელი, მიუხედავად ცუდი დასაწყისისა, დავხურეთ 10,4 %, რაც იყო მეორე მაჩვენებელი ევროპაში ირლანდიის შემდეგ. წელსაც, პირველი 3 კვარტლის მონაცემებით გვაქვს 10,2% ეკონომიკური ზრდა, რითაც ვართ პირველ ადგილზე მთელს კონტინენტზე. და ნავარაუდებია, რომ წლის ბოლოს ეს ორნიშნა ეკონომიკური ზრდა შენარჩუნდება. ჩვენი ეკონომიკა ღარიბაშვილის გაპრემიერების დროს თუ იყო დაახლოებით 4 200 დოლარი, ამ წლის ბოლოს იქნება მინიმუმ 6 800 დოლარი“, – განაცხადა ირაკლი კობახიძემ.