ისინი დღესაც შოკში არიან და აგრძელებენ ბრძოლას ადამიანთან, რომელიც არ არის საერთოდ პოლიტიკაში, წარმოუდგენელი რაღაცაა. სინამდვილეში, ისინი ებრძვიან ფაქტორს. ბიძინა ივანიშვილი არის ფაქტორი, რომელიც განაპირობებს სიმშვიდეს, სტაბილურობას, მშვიდობას ჩვენს ქვეყანაში- ამის შესახებ „ქართული ოცნების“ თავმჯდომარე ირაკლი კობახიძემ გადაცემაში „იმედი LIVE” განაცხადა.
კობახიძემ საუბრისას აღნიშნა, რომ ბიძინა ივანიშვილი, რომელიც არ ერთვება პოლიტიკურ პროცესებში დღემდე წარმოადგენს მშვიდობის და სტაბილურობის ფაქტორს და ვინც მას ებრძვის, ის ებრძვის სწორედ ამ ფაქტორს.
მისივე თქმით, რადიკალური ოპოზიციის ამ შეტევის საბოლოო მიზანი, რომელიც ხორციელდება ბიძინა ივანიშვილზე, არის ამ ქვეყანაში არეულობის შემოტანა. ისინი არიან ომის პარტია და მათთვის ერთადერთი შანსი არის სწორედ მშვიდობის და არეულობის დარღვევაში.
„ადამიანი რომელიც საერთოდ არ ერთვება პოლიტიკურ პროცესში, დღემდე არის ფაქტორი და ასე იქნება მომავალშიც და ყველა ვინც მას ებრძვის, სწორედ ამ ფაქტორს და ამ შედეგს ებრძვის, ეს შედეგი არის სტაბილურობა, სიმშვიდე და მშვიდობა ჩვენს ქვეყანაში. სინამდვილეში, მთავარი მიზანი არის არა პიროვნებასთან დაპირისპირება, ეს პიროვნებასთან დაპირისპირება არის გზა იმ მიზნისკენ, და მიზანი არის ამ ქვეყანაში არეულობის შემოტანა, სიმშვიდის არევა და მშვიდობის დარღვევა. ეს არის პირდაპირი საბოლოო მიზანი ამ შეტევის, რომელიც ხორციელდება ბიძინა ივანიშვილზე იმიტომ, რომ ის არის ფაქტორი მშვიდობის, სიმშვიდის ჩვენს ქვეყანაში და სწორედ ამას ებრძვიან, მშვიდობას ებრძვიან ჩვენს ქვეყანაში. ესენი არიან ომის პარტია, პირდაპირ, ყოველ ჯერზე ისინი ამას ამტკიცებენ. ისინი არიან პარტია, რომელსაც უნდა ამ ქვეყანაში არეულობა და მათთვის ერთადერთი შანსი არის სწორედ მშვიდობის და არეულობის დარღვევაში“- განაცხადა ირაკლი კობახიძემ.