ჩოგბურთელი ნიკოლოზ ბასილაშვილი სასამართლომ გაამრთლა. მას ასევე უკან დაუბრუნდება გირაოს ის თანხა, რომელიც დაკისრებული ჰქონდა.
გადაწყვეტილება მოსამართლე ხათუნა ხარჩილავამ გამოაცხადა.
პროკურორი გაასაჩივრებს ნიკოლოზ ბასილაშვილის გამამართლებელ გადაწყვეტილებას. ამის შესახებ მან სასამართლო პროცესის დასრულების შემდეგ, ჟურნალისტებთან საუბრისას განაცხადა. მისი თქმით, სასამართლომ სუბიექტურად შეაფასა ის მტკიცებულებები, რაც ბრალდებამ წარადგინა სასამართლოში.