შალვა პაპუაშვილი რუსეთის მიერ უკრაინის ქალაქების დაბომბვას გამოეხმაურა. შესაბამისი განცხადება საქართველოს პარლამენტის თავმჯდომარის Twitter-ზე გამოქვეყნდა.
„აღშფოთებული ვარ რუსეთის განურჩეველი დარტყმებით სამოქალაქო ობიექტებსა და უდანაშაულო ადამიანებზე კიევსა და მთელს უკრაინაში. ეს სიგიჟე უნდა შეწყდეს. მოხარულია ვარ, რომ ქართველი დიპლომატები უკრაინის ქალაქებში უსაფრთხოდ არიან. ჩემი ფიქრები დარტყმების შედეგად დაშავებულებთანაა“, – წერს პაპუაშვილი.
უკრაინის თითქმის მთელ ტერიტორიაზე, განგაშის სიგნალი ისმის. დღეს დილით კიევის დაბომბვას 8 ადამიანი ემსხვერპლა, 24 კი დაშავდა. სარაკეტო იერიშები განხორციელდა უკრაინის სხვა ქალაქებზეც. აფეთქებების შესახებ იუწყებიან ლვოვში , დნეპროპეტროვსკში, ნიკოლაევში, ჟიტომირში, ხმელნიცკში, კრივოი-როგში, ხარკოვსა და ზაპოროჟიეში, სადაც მოქალაქეებს თავშესაფრებში დარჩენისკენ მოუწოდებენ.