მთლიანობაში, 9 თვის მონაცემებით, საინტერესოა საბიუჯეტო შესრულება. კერძოდ, 2,100მლრდ ლარი ეს არის ფაქტობრივი ინვესტირება, რაც თანხით განხორციელდა, – ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ „ქრონიკაში“ ჩართვისას განაცხადა.
მისივე თქმით, მთლიანობაში 9 თვის ბიუჯეტი 106%-ით, გადაჭარბებით შესრულდა.
„მთლიანობაში, 9 თვის მონაცემებით, საინტერესოა საბიუჯეტო შესრულება. კერძოდ, 2,100მლრდ ლარი ეს არის ფაქტობრივი ინვესტირება, რაც თანხით განხორციელდა, რომელიც თავის მხრივ ძალიან მაღალი და უპრეცედენტოა. ცნობისთვის, მაგალითად, 2019 წელს ამდენივე იყო მთელი წლის ბიუჯეტი – 2,121 მლრდ ლარი ფაქტობრივი შესრულება. 2,202 მლრდ ლარი 2020 წელს იყო. შეიძლება თამამად ითქვას, რომ 9 თვის ფარგლებში, უკვე მზარდი ბიუჯეტის პირობებში ფაქტობრივად ჩვენ გასული ვართ ამ ნიშნულზე. მთლიანობაში 106%-ით, გადაჭარბებით შესრულდა 9 თვე და ნამდვილად გვაქვს მოლოდინი, რომ წლევანდელი ბიუჯეტი ნამდვილად შესრულდება“, – განაცხადა ქარსელაძემ.