თბილისი-ვენის რეისი, რომელსაც აფრენისას ტექნიკური პრობლემა შეექმნა, თბილისის აეროპორტში უსაფრთხოდ დაჯდა

335
წაკითხვა/ნახვა
mpn

„აირზენას“ კუთვნილი თვითმფრინავი, რომელიც რეისს თბილისიდან ვენის მიმართულებით  ასრულებდა, თბილისის საერთაშორისო აეროპორტში უსაფრთხოდ დაჯდა.

თვითმფრინავს აფრენის შემდეგ მალევე პრობლემები შეექმნა და დაახლოებით ორი საათის განმავლობაში თბილისის გარშემო დაფრინავდა. როგორც ცნობილია, აფრენის შემდეგ თვითმფრინავის შასი არ დაიხურა და პილოტმა საწვავის დაცლა გადაწყვიტა, რათა თვითმფრინავი უსაფრთხოდ დამჯდარიყო.

ცნობილია, რომ ბორტზე 180 მგზავრი იმყოფებოდა. თბილისის აეროპორტში მობილიზებული იყო სასწრაფო დახმარება და სახანძრო-სამაშველო ჯგუფი. ამ წუთებში მგზავრები აეროპორტის ტერიტორიაზე იმყოფებიან. ტექნიკური ჯგუფი თვითმფრინავს ამოწმებს.

ოფიციალური კომენტარი მომხდარის შესახებ ჯერ არ გაკეთებულა.

კომენტარები
mpn
მოწონება