როდესაც ქართულ ოცნებაში ვიყავი, მთელ რიგ ისეთ თემებზე ვმუშაობდი, რომელიც ემსახურებოდა ევროინტეგრაციის მიმართულებით კონკრეტული ნაბიჯების გადადგამს, იყო ეს სხვადასხვა კანონპროექტები, ევროდირექტივების და ა.შ, – განაცხადა უმრავლესობიდან წასულმა დეპუტატმა ეკა სეფაშვილმა, რომელიც საზოგადოებრივ მოძრაობა „ხალხის ძალას“ შეუერთდა.
„მე რა თქმა უნდა ამ მიმართულებით გავაგრძელებ მუშაობას“, – დასძენს სეფაშვილი.
„ქართულ ოცნებას“ საპარლამენტო უმრავლესობა აღარ ჰყავს. „ხალხის ძალამ“ საკანონმდებლო ორგანოში ძალთა ბალანსი მეტნაკლებად შეცვალა, თუმცა, ამას მმართველი პარტია საფრთხედ არ განიხილავს. პოზიციებთან დაკავშირებული განსხვავებების მიუხედავად, უკვე ყოფილი თანაგუნდელები პრინციპულ ღირებულებებთან მიმართებით ერთ მხარეს დგანან.