IMG.GE ___________________________________ IMG.GE

თამარ ბაჩალიაშვილის გარდაცვალების საქმეზე ამ დრომდე სხვადასხვა ვერსია ვრცელდება, თუმცა ჯერჯერობით გამოძიებას არ უთქვამს, კონკრეტულად რომელი ვერსიაა ყველაზე რეალური და რა გახდა სინამდვილეში 23 წლის გოგოს გარდაცვალების მიზეზი.

გავრცელებული ინფორმაციით, თამარ ბაჩალიაშვილი დაახლოებით 11 წლის იქნებოდა, როდესაც მამამისის წინააღმდეგ სასამართლომ შემაკავებელი ორდერი გამოსცა.

სასამართლოს მიერ გამოტანილ გადაწყვეტილებაში წერია, რომ ჯუმბერ ბაჩალიაშვილი შვილის, თამარ ბაჩალიაშვილის თანდასწრებით სისტემატიურად ფიზიკურად და ფსიქოლოგიურად ძალადობდა თამარ ბაჩალიაშვილის დედაზე. მოსამართლის გადაწყვეტილებით მოძალადე ჯუმბერ ბაჩალიაშვილს მსხვერპლის დაცვის მოტივით შემაკავებელი ორდერი გამოუწერეს და მისი ძალადობის ობიექტთან მიახლოება აეკრძალა.

იხილეთ მოსამართლის გადაწყვეტილება:

თუმცა, როგორც ირკვევა სასამართლოს გადაწყვეტილება მოძალადის შესაკავებლად საკმარისი არ აღმოჩნდა და ჯუმბერ ბაჩალიაშვილი მომდევნო წლებშიც განაგრძობდა ფიზიკურ ძალადობას მის მეუღლეზე რაც დიდ ფსიქოლოგიურ ზიანს აყენებდა მის არასრულწლოვან შვილს თამარ ბაჩალიაშვილს. დაუსრულებელი ძალადობის გამო ჯუმბერ ბაჩალიაშვილის მიმართ 2011 წლის 28 დეკემბერს მორიგი სასამართლო გაიმართა, სადაც მას კვლავ ოჯახურ ძალადობაში დასდეს ბრალი და გირაოს სახით 2000 ლარი შეუფარდეს.

გავრცელებული ინფორმაციით სწორედ ძალადობის წლების, ამ პერიოდში ჰქონდა სუიციდის მცდელობა თამარ ბაჩალიაშვილს. როგორც ჩანს წლების განმავლობაში მიყენებული ფსიქოლოგიური ტრამვების გამო დასჭირდა თამარ ბაჩალიაშვილს ფსიქოლოგის დახმარება.

14 წლის ასაკში თამარ ბაჩალიაშვილის ოჯახში განხორციელებული ძალადობის გამო სასამართლომ  სამართალდაცველებისთვის ჩვენების მიცემა მოუწია. მაშინ საქმე ოჯახში არსებულ კონფლიქტს ეხებოდა, რა დროსაც მეუღლეზე ძალადობის ბრალდებით მისი მამა დააკავეს, ბრალი წარუდგინეს და მოგვიანებით გირაოს სანაცვლოდ გაათავისუფლეს. მაშინ, 2011 წელს გამოძიებამ თამუნა პედაგოგის თანდასწრებით დაკითხა, რომელმაც დეტალურად აღწერა მომხდარი ფაქტი.

„დედაჩემმა ვინაიდან იყო ცუდად ოთახის ტელეფონით გამოიძახა სასწრაფო დახმარების ბრიგადა, რომლის ექიმებმაც აღმოუჩინეს პირველადი სასწრაფო დახმარება და შესთავაზეს საავადმყოფოში გადაყვანა. სასწრაფო ბრიგადის ექიმებმა კი გამოიძახეს პოლიცია, რომლებიც მოვიდნენ რამდენიმე წუთში, რა დროსაც დედაჩემმა პოლიციის თანამშრომლებს განუცხადა რომ სცემა მეუღლემ“, – წერია ჩვენებაში.

 

ამავე თემაზე:

შსს აქვეყნებს ამონაწერს, თამარ ბაჩალიაშვილის კომპიუტერიდან

ამავე თემაზე:

ნოემბრიდან კაი ცხოვრება დაიწყება – ბაჩალიაშვილის მამის პოლიტიკური განცხადება – ნოემბრიდან როგორ დაიწყება კაი ცხოვრება შვილმკვდარი მამისთვის?!

 

 

კომენტარის დატოვება
IMG.GE