ირაკლი კობახიძე არ გამორიცხავს, რომ ცესკოს თავმჯდომარის არჩევის ახლახან მიღებული წესი ისევ გადაიხედოს

216
წაკითხვა/ნახვა
რეკლამა -------------------- IMG.GE

ირაკლი კობახიძე არ გამორიცხავს, რომ ცენტრალური საარჩევნო კომისიის თავმჯდომარის არჩევის ახლახან მიღებული წესი ისევ გადაიხედოს. ამის შესახებ „ქართული ოცნების“ თავმჯდომარემ „პალიტრანიუსის“ ეთერში განაცხადა.

„ზოგადად, წესი ირაციონალურია და ეს ამ პროცესმაც აჩვენა. ასევე, ამ პროცესმა აჩვენა ისიც, რომ კონსენსუსის მიღწევის რესურსი ამ რადიკალურ ოპოზიციასთან რეალურად არ არსებობს. რამდენად შეიძლება ოპოზიციასთან კონსენსუსის ვერ მიღწევა გახდეს საბაბი, რომ ცესკო-ს თავმჯდომარის არჩევის წესი შეიცვალოს, მმართველი გუნდი საბაბებით არ მოქმედებს, მაგრამ მიზეზებით შეიძლება იმოქმედოს.

არ ვიცი, ყველაფერზე შეიძლება იმსჯელოს პარლამენტმა. თუ რაღაც ირაციონალურია, ბუნებრივია, შესაბამის ნორმას გადახედვა სჭირდება. ვნახოთ, ჯერ ამაზე საუბარი ნაადრევია. დრო საკმაოდ ბევრია. ბუნებრივია საპარლამენტო ფორმატში შესაძლებელია ყველა ნორმასთან დაკავშირებით მსჯელობა“,- განაცხადა ირაკლი კობახიძემ.

კომენტარები
რეკლამა
მოწონება