უკრაინამ ირანის ელჩს აკრედიტაცია გაუუქმა და უკრაინაში ირანის საელჩოს პერსონალის რაოდენობის შემცირების გადაწყვეტილება მიიღო. ამის შესახებ უკრაინული მედია წერს.
როგორც უკრაინის საგარეო უწყებაში განაცხადეს, ეს ნაბიჯი ირანის მიერ რუსეთისთვის უპილოტო საფრები აპარატების მიწოდების საპასუხოდ გადადგეს. უკრაინაში ირანის საქმეების დროებითი რწმუნებული საგარეო საქმეთა სამინისტროში დაიბარეს.
კიევში აცხადებენ, რომ თეირანის მიერ რუსეთისთვის დრონების მიწოდება ეწინააღმდეგება ირანის ხელისუფლების მიერ ღიად დაფიქსირებულ ნეიტრალიტეტსა და უკრაინის სუვერენიტეტის, ტერიტორიული მთლიანობის მხარდაჭერას.
მიმდინარე წლის აგვისტოში ცნობილი გახდა, რომ რუსეთმა ირანისგან 1000 უპილოტო საფრენი აპარატი შეიძინა.