დედოფლისწყაროს მუნიციპალიტეტის მერი ნიკოლოზ ჯანიაშვილი სოფელ ხორნაბუჯში ახლად გახსნილ ღვინის საწარმოს ეწვია და ყურძნის ჩაბარებისა და გადამუშავების პროცესს ადგილზე გაეცნო.
შპს ,,ქართული ფესვები“ მოსახლეობისგან ყურძენს წელს პირველად იღებს.
რთველი კახეთის რეგიონში დედოფლისწყაროდან დაიწყო. 23 სექტემბრის მონაცემებით, დედოფლისწყაროს მუნიციპალიტეტში გადამუშავებულია 5,8 ათასი ტონა ყურძენი, მათ შორის, 1,8 ათასი ტონა რქაწითელი, 3,6 ათასი ტონა საფერავი , ხოლო დანარჩენი სხვადასხვა ჯიშის ყურძენია. ყურძნის რეალიზაციის შედეგად, დედოფლისწყაროს მევენახეების შემოსავალმა 7,8 მლნ ლარს მიაღწია.