დონალდ ტრამპის ყოფილი მრჩეველი – აფეთქებები ქაბულის აეროპორტში მხოლოდ დასაწყისია

652
წაკითხვა/ნახვა
IMG.GE

აფეთქებები ქაბულის აეროპორტში მხოლოდ დასაწყისია, – ამის შესახებ განცხადება ტელეკომპანია ბიბისისთან საუბარში ეროვნული უსაფრთხოების საკითხებში აშშ-ის 45-ე პრეზიდენტის, დონალდ ტრამპის ყოფილმა მრჩეველმა ჰერბერტ მაკმასტერმა გააკეთა.

გენერალმა მაკმასტერმა, რომელიც ავღანეთშიც მსახურობდა, თქვა, რომ „აშშ-მა აირჩია ავღანეთიდან გასვლა ყველა შესაძლო შედეგის მიუხედავად“. მისივე თქმით, ის, რაც ქაბულის აეროპორტში ხდება, „ტერორისტებისადმი დანებების შედეგია“.

„შესაძლოა, ეს არის მომენტი, როდესაც ჩვენ უნდა შევწყვიტოთ საკუთარი თავის მოტყუება, რომ ეს ჯგუფები განცალკევებულები არიან და ვაღიაროთ, რომ ისინი დაკავშირებულები არიან და ის, რასაც დღეს ვადევნებთ თვალს, არის ტერორისტების, ჯიჰადისტების სახელმწიფოს ჩამოყალიბება ავღანეთში. შედეგად კი ჩვენ ყველა გაცილებით დიდი საფრთხის წინაშე ვიქნებით“, – განაცხადა ტრამპის ყოფილმა მრჩეველმა.

მისივე თქმით, შარშან გამართული მოლაპარაკებების დროს თალიბანმა დონალდ ტრამპი „გააცურა“.

შეგახსენებთ, რომ ტრამპი ავღანეთიდან ამერიკელი ჯარისკაცების 14 თვეში გაყვანას დათანხმდა.

კომენტარები
რეკლამა ____________ IMG.GE
მოწონება