თბილისის მერიის პროექტ „ჩემი ადვოკატისა” და საქართველოს
მედიატორთა ასოციაციას შორის ურთიერთთანმშრომლობის მემორანდუმი
გააფორმდა.
მემორანდუმის ფარგლებში „ჩემი ადვოკატი“ გეგმავს საინფორმაციო კამპანიის
ხელშეწყობას მედიაციის პროცესის გავრცელების მიზნით.
მედიაცია არის დავის გადაწყვეტის ალტერნატიული მეთოდი, რომელიც,
მედიატორის დახმარებით, დავების მოლაპარაკების გზით გადაწყვეტას
გულისხმობს. მედიატორი მხარეებს პრობლემის აღმოჩენაში, მოლაპარაკების
წარმართვასა და მათთვის მისაღები შედეგის მიღწევაში ეხმარება. მოქალაქე
სწრაფად, დაბალი ფინანსური დანახარჯით თავად აგვარებს წარმოშობილ დავას.
ორგანიზაცია „ჩემი ადვოკატი“ ყოველწლიურად დაახლოებით 20 000 მოქალაქეს
უწევს სამოქალაქო და ადმინისტრაციული სამართლის მიმართულებით უფასო
იურიდიულ დახმარებას. ვინაიდან მნიშვნელოვანია მედიაციის არა მხოლოდ
საკანონმდებლო დონეზე ხელშეწყობა არამედ, ამ ინსტიტუის პრაქტიკულ
დონეზე განვითარების მხარდაჭერაც, მემორანდუმის ფარგლებში „ჩემი
ადვოკატი“ მოსახლეობას მიაწვდის ინფორმაციას მედიაციის შესახებ და დავების
მედიაციის მეშვეობით გადაწყვეტასაც შესთავაზებს.
პროკურატურა, წესით, პირველივე დღეს უნდა შესულიყო ISFED-თან, როცა მათ მასალების გადაცემის...