„საქართველოს ბანკი“ ქუთაისში ჩატარებულ სპეცოპერაციასთან დაკავშირებით განცხადებას აქვეყნებს.
„ბოროტმოქმედი დაკავებულია, ყველა მძევლად აყვანილი უდანაშაულო ადამიანი კი – თავისუფალი.
მადლობა სპეცოპერაციაში მონაწილე ყველა ადამიანს“, – აღნიშნულია განცხადებაში.
ქუთაისში, საქართველოს ბანკის ფილიალში შეიარაღებული პირი დღეს დილით შეიჭრა. ის 2 მილიონ დოლარს ითხოვდა და აცხადებდა, რომ ბანკში ასაფეთქებელი მოწყობილობები დაამონტაჟა. შსს-ს ინფორმაციით, თავდაპირველად, თავდამსხმელს 12 მძევალი ჰყავდა აყვანილი. ადგილზე ჩავიდა საქართველოს შინაგან საქმეთა მინისტრი, ვახტანგ გომელაური.
სამართალდამცველებმა თავდამსხმელი დააკავეს, ყველა მძევალი კი უვნებლად გაათავისუფლეს.