NDI საზოგადოებრივი აზრის კვლევის შედეგებს აქვეყნებს. შეკითხვაზე – რომელი პარტია დგას თქვენს შეხედულებებთან ყველაზე ახლოს, 25 პროცენტი „ქართულ ოცნებას“ ასახელებს, 8 პროცენტი „ერთიან ნაციონალურ მოძრაობას“, 13 – პროცენტი სხვა პარტიებს, 54-მა პროცენტმა კი შეკითხვაზე შემდეგი პასუხი დააფიქსირა: არც ერთი პარტია, არ ვიცი და უარი პასუხზე.
ასევე ორგანიზაციამ სოციალური ნაწილიც გამოიკვლია. შეკითხვაზე რომელი ეროვნული საკითხებია თქვენთვის და თქვენი ოჯახისთვის ყველაზე მნიშვნელოვანი, ექვსეული ასეთია:
1. სამუშაო ადგილები
2. ფასების ზრდა/ინფლაცია
3. სიღარიბე
4. ტერიტორიული მთლიანობა
5. პენსიები
6. ადამიანის უფლებები.
ანგარიში 14 ივლისიდან–15 აგვისტომდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება.