პარლამენტის თავმჯდომარე შალვა პაპუაშვილი „მაუწყებლობის შესახებ“ კანონში შესატან ცვლილებებსაც გამოეხმაურა.
მისი თქმით, ამ კანონის მიღება განპირობებულია ევროკავშირთან დაახლოებით – ეს არის ევროკავშირის დირექტივის იმპლემენტაცია საქართველოში.
შალვა პაპუაშვილი აღნიშნავს, რომ თუკი ოქტომბრამდე ნაბიჯები არ გადაიდგმება, საქართველოს შეეზღუდება წვდომა შემოქმედებითი ევროპის ფონდებზე და ქვეყანა გაერთიანებიდან გაირიცხება.
მისივე განმარტებით, პარლამენტში ინიცირებული კანონპროექტი სრულ შესაბამისობაშია ევროკავშირის საუკეთესო პრაქტიკასთან.
შეგახსენებთ, რომ „მაუწყებლობის შესახებ“ კანონში ცვლილებებით, სიძულვილის ენისა და ტერორიზმისკენ მოწოდების შემცველი პროგრამებისა და რეკლამის გავრცელება აიკრძალება.