ჩვენი ორმხრივი ურთიერთობები არის მჭიდრო და მრავალმხრივი. ისინი ფარავენ მთელ სპექტრს – ეკონომიკის, ეკოლოგიის, ენერგეტიკისა და კულტურის. გვიხარია, რომ საქართველოში არსებობს ძალიან დიდ ინტერესი გერმანული ენისა და აკადემიური გაცვლის მიმართ. ასევე, საქართველო ჩვენთვის მნიშვნელოვანი პარტნიორი არის განვითარების თვალსაზრისით, – ამის შესახებ გერმანიის კანცლერმა ოლაფ შოლცმა ირაკლი ღარიბაშვილთან ერთობლივ პრესკონფერენციაზე განაცხადა.
„რუსეთის აგრესია წლის მთავარი მოვლენა არის. გერმანია მჭიდროდ უდგას მხარში უკრაინას, ეხმარება მას სამხედრო, ჰუმანიტარული, ეკონომიკური თვალსაზრისით. საქართველოს აქვს რუსული აგრესიის სამწუხარო გამოცდილება.2008 წელს დაესხნენ მას თავს და ამის შემდეგ საქართველოს ტერიტორიის ნაწილები რუსული კონტროლის ქვეშაა. ფედერალური მთავრობა უცვლელად უჭერს მხარს საქართველოს ტერიტორიულ მთლიანობასა და სუვერენიტეტს საერთაშორისოდ აღიარებულ ფარგლებში. კარგია, რომ საქართველომ მხარი დაუჭირა გაეროს რეზოლუციას, რომელმაც რუსეთის აგრესია დაგმო და გამოაცხადა, რომ ხელს შეუშლის ყველანაირ მცდელობას რუსეთის მიმართ დაწესებული სანქციების თავის არიდებისა. ჩვენთვის მნიშვნელოვანია ენერგეტიკული თანამშრომლობა საქართველოსთან“, – განაცხადა შოლცმა.