IMG.GE IMG.GE

გადაწყვეტილებას იღებს სასამართლო, რომელიც არის დამოუკიდებელი. რა თქმა უნდა, სასამართლოს საქმეში ვერ ჩაერევა ხელისუფლების ვერც ერთი სხვა შტო – ამის შესახებ საქართველოს გარემოს დაცვისა და სოფლის მეურნეობის მინისტრმა, ლევან დავითაშვილიმა გიორგი რურუას განაჩენზე საუბრისას ჟურნალისტებთან განაცხადა.

„საერთაშორისო საზოგადოებამ დაინახა, რომ ,,ქართული ოცნება’’ არის პასუხისმგებლიანი პოლიტიკური ძალა, რომელმაც მიიღო ის საკანონმდებლო ცვლილებები, რომელიც 8 მარტის შეთანხმებით იყო გათვალისწინებული. რაც შეეხება ამა თუ იმ პატიმრის გათავისუფლების საკითხს, ბუნებრივია, ჩვენ ვცხოვრობთ ქვეყანაში , სადაც არის კანონოს უზენაესობა, სადაც გადაწყვეტილებას იღებს სასამართლო, რომელიც არის დამოუკიდებელი. რა თქმა უნდა, სასამართლოს საქმეში ვერ ჩაერევა ხელისუფლების ვერც ერთი სხვა შტო“, – აღნიშნა ლევან დავითაშვილმა.

20 ოპოზიციური პოლიტიკური პარტია გიორგი რურუასადმი გამამტყუნებელი განაჩენის გამოტანასთან დაკავშირებით ერთობლივ განცხადებას ავრცელებს. განცხადების ავტორების თქმით, გიორგი რურუას გათავისუფლება და პოლიტიკურად მოტივირებული საქმეების დაუშვებლობა, 8 მარტის შეთანხმების საკვანძო ნაწილია.

სასმართლომ გიორგი რურუას 4-წლიანი პატიმრობა მიუსაჯა და იარაღის შეძენა-შენახვა-ტარების ნაწილში დამნაშავედ ცნო. რურუას ადვოკატები საქმის გასაჩივრებას აპირებენ.

გიორგი რურუა 2019 წლის 18 ნოემბერს დააკავეს. გამოძიება მას სსკ-ის 236-ე მუხლის მესამე და მეოთხე ნაწილებით გათვალისწინებულ დანაშაულს ედავება, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

კომენტარის დატოვება
IMG.GE
გაზიარება