საქართველოს პარლამენტის სპიკერი, შალვა პაპუაშვილი დიდი ბრიტანეთის დედოფლის ელისაბედ II- ის გარდაცვალების გამო მწუხარებას გამოთქვამს.
„გულწრფელ სამძიმარს ვუცხადებ სამეფო ოჯახსა და გაერთიანებული სამეფოს ხალხს მისი უდიდებულესობის დედოფალ ელისაბედ II-ის გარდაცვალების გამო. ის არაჩვეულებრივი პიროვნება და ლიდერი იყო, რომელიც მეფობდა და ისტორიას 70 წელზე მეტი ხნის განმავლობაში ქმნიდა. მისი მემკვიდრეობა მომდევნო ათწლეულებს განსაზღვრავს“, – განაცხადა შალვა პაპუაშვილმა.