შეერთებული შტატებისა და საქართველოს პარტნიორობა საკმაოდ ძლიერია და ჩვენი განზრახვაა განვაგრძოთ საქართველოსთან მუშაობა, – ამის შესახებ სახელმწიფო დეპარტამენტის კოორდინატორმა გლობალური ანტი-კორუფციული მიმართულებით რიჩარდ ნეფიუმ განაცხადა.
„გულწრფელად რომ ვთქვათ, კორუფცია მსოფლიოში ფართოდაა გავრცელებული, მთავარი გამოწვევა კი მასთან გამკლავებაა. მთელი მსოფლიოს მასშტაბით, ჩვენ გვექნება ანტიკორუფციული მოთხოვნები და ასევე, გვექნება მრავალი ორმხრივი ურთიერთობა, რომელიც დაგვეხმარება ამ გამოწვევასთან გამკლავებაში.
რაც შეეხება კონკრეტულად საქართველოს, ვიცი, რომ შეერთებულმა შტატებმა საქართველოში 6 მილიარდ დოლარზე მეტის ინვესტიცია უზრუნველყო. მათ შორის, კორუფციასთან გამკლავების ნაწილში და როგორც სტრატეგიული პარტნიორს, ჩვენ კვლავაც მზად ვართ დავეხმაროთ საქართველოს მიაღწიოს ატლანტიკურ მისწრაფებებს, განახორციელოს რეფორმები, რომლებიც აუცილებელია მისი კანდიდატის სტატუსის განაცხადის წარმართვისთვის ევროკომისიაში.
ასე რომ, ვფიქრობ, ჩვენი – შეერთებული შტატებისა და საქართველოს პარტნიორობა საკმაოდ ძლიერია და ჩვენი განზრახვაა განვაგრძოთ საქართველოსთან მუშაობა“, – განაცხადა რიჩარდ ნეფიუმ.