ჩვენთვის „სტრატეგია აღმაშენებლისთვის“ საპარლამენტო ბოიკოტი არის ერთ-ერთი საშუალება მხოლოდ და ამას მაშინ ექნება აზრი, თუ სხვა წინაპირობები არის მომწიფებული. წინაპირობების მომწიფების გარეშე საპარლამენტო ბოიკოტს ჩვენ არ ვაპირებთ, – ამის შესახებ „სტრატეგია აღმაშენებლის“ წევრმა პაატა მანჯგალაძემ განაცხადა.
მისი თქმით, ახლა პოლიტიკური კეკლუცობის დრო არ არის.
„ახლა არ არის პოლიტიკური კეკლუცობის და იმის საუბრის დრო, ვიღაცას ვიღაცა არ მოსწონს დღეს, არ მოსწონდა წარსულში. ყოველგვარი გადაჭარბების გარეშე, ქვეყანა არის გადასარჩენი, ამიტომ ის საკითხები და უთანხმოება, რაც გვქონდა უნდა დავტოვოთ წარსულში და ყველა უნდა გავერთიანდეთ კოალიციურად საქართველოს გადარჩენის ამოცანისთვის.
საპარლამენტო ბოიკოტს ზოგი წარმოაჩენს ერთადერთ საშუალებად. ჩვენთვის „სტრატეგია აღმაშენებლისთვის“ ეს პროცესი არის ერთ-ერთი საშუალება მხოლოდ და ამას მაშინ ექნება აზრი, თუ სხვა წინაპირობები არის მომწიფებული. წინაპირობების მომწიფების გარეშე საპარლამენტო ბოიკოტს ჩვენ არ ვაპირებთ“, – განაცხადა პაატა მანჯგალაძემ.