თურქეთის ჯანდაცვის მინისტრი: ვაქცინაცია ვალდებულებაა, რომელიც არჩევანის საკითხი უკვე აღარ შეიძლება იყოს

224
წაკითხვა/ნახვა
რეკლამა

ვაქცინაცია ვალდებულებაა, რომელიც არჩევანის საკითხი უკვე აღარ შეიძლება იყოს, – განაცხადა თურქეთის ჯანდაცვის მინისტრმა, ფაჰრეთინ ქოჯამ.

თურქეთის ჯანდაცვის მინისტრის თქმით, კორონავირუსის საწინააღმდეგო ვაქცინაცია აუცილებელია განათლებისა და ბიზნესის საქმიანობის გასაგრძელებლად, ხოლო არავაქცინირებულმა ადამიანებმა რეგულარულად უნდა წარმოადგინონ PCR-ტესტის უარყოფითი შედეგები.

ფაჰრეთინ ქოჯამ აღნიშნა, რომ განსაკუთრებით მოსწავლეების მშობლებმა ან სრულად უნდა ჩაიტარონ აცრა, ან რეგულარულად გაიარონ ტესტირება.

„აქამდე ვაქცინაციის პროგრამა არჩევანის ან სტიმულის საკითხი იყო, თუმცა, ვაქცინაცია ვალდებულებაა, რომელიც არჩევანის საკითხი უკვე აღარ შეიძლება იყოს. ყველა ჩვენი სკოლა დროულად გაიხსნება. ჩვენთვის შეუძლებელია უარი ვთქვათ პირისპირ განათლებაზე, თუმცა მნიშვნელოვანი ამოცანა გვაქვს: აუცილებელი ზომები უნდა მივიღოთ იმის უზრუნველსაყოფად, რომ ყველა მასწავლებელი აცრილი იყოს“, – განაცხადა თურქეთის ჯანდაცვის მინისტრმა.

მინისტრმა ხაზგასმით აღნიშნა, რომ იმ ადამიანებს, რომლებმაც ინაქტივირებული ვაქცინების სამივე დოზა მიიღეს, დაცვის უმაღლესი დონე აქვთ.

დღეის მდგომარეობით, თურქეთში 31 მილიონზე მეტი ადამიანი სრულად აცრილია, ხოლო 43 მილიონზე მეტმა ადამიანმა ვაქცინის პირველი დოზა მიიღო. გარდა ამისა, დაახლოებით 6.2 მილიონ ადამიანს ვაქცინის მესამე დოზა აქვს მიღებული

კომენტარები
რეკლამა
მოწონება