გურამ როგავამ რუსთავი 2 დატოვა – იგივე ამბიციით მალე ისევ შევხვდებით ერთმანეთს, მაგრამ ეს “რუსთავი 2”-ზე არ მოხდება!

947
წაკითხვა/ნახვა
რეკლამა -------------------- IMG.GE

ტელეწამყვანმა, გურამ როგავამ, რუსთავი 2 დატოვა და ამის შესახებ Facebook-ის საკუთარ გვერდზე დაწერა.

მადლობა “რუსთავი 2”-ს ახალი შესაძლებლობების აღმოჩენისთვის.
მადლობა ყველა იმ თანამშრომელს, ვინც ორი წლის განმავლობაში ჩემს პროფესიულ განვითარებაზე გულწრფელად ზრუნავდა, მეხმარებოდა და მაძლიერებდა.
სამწუხაროდ, დღეს ვერ ვხედავ საკუთარ თავს ამ არხზე, – ძალიან მიჭირს, მაგრამ უნდა გადავდგა ეს ნაბიჯი.
ცვლილებების დროა!
მადლობა მაყურებელს, რომელიც გადაცემა P.S.-ის მოულოდნელი გაუჩინარების გამო, წუხილს მიზიარებდა, მამხნევებდა და ჩვენი გუნდის ეთერში დაბრუნების იმედს გამოთქვამდა.
მეამაყება თითოეული გადაცემა, რომელიც ამ მოკლე დროში მოვამზადეთ.
ბოდიში იმის გამო, რომ ვერ დავაბრუნე “პოსტსკრიპტუმი”, რომლის ამბიციაც იყო ეჩვენებინა შეუნიღბავი რეალობა და დამდგარიყო ხალხის გვერდით.
მჯერა, იგივე ამბიციით მალე ისევ შევხვდებით ერთმანეთს, მაგრამ ეს “რუსთავი 2”-ზე არ მოხდება!
დროებით!

, – წერს როგავა.

ორწლიანი პაუზის შემდეგ, რუსთავი 2-ის ეთერში გადაცემა P.S. 13 ივნისს გავიდა, წამყვანები გურამ როგავა და დავით კიკალიშვილი იყვნენ.

კომენტარები
რეკლამა
მოწონება