საქართველოს მთავრობის სტრატეგიული კომუნიკაციების დეპარტამენტი ეხმიანება “ნაციონალური მოძრაობის” თავმჯდომარე ნიკა მელიას მიერ გავრცელებულ ინფორმაციას, რომლის მიხედვით, თავდაცვის სამინისტრომ ქართველი სამხედროს პირადი მონაცემები რუსთეთს გადასცა:
“ერთიანი ნაციონალური მოძრაობის” ფორმალური თავჯდომარე, ნიკანორ მელია ავრცელებს ინფორმაციას, თითქოს თავდაცვის სამინისტროს არქივში არსებული ინფორმაცია გადაეცა ოკუპანტს, რაც რა თქმა უნდა არის გაკოტრებული ძალის გაკოტრებული ლიდერის მიერ მოგონილი კიდევ ერთი დეზინფორმაცია და ცილისწამება, რომელიც ემსახურება საზოგადოებაში დაძაბულობის მუხტის გაჩენას და მმართველი გუნდის დისკრედიტაციას!”– ნათქვამია სტრატკომის განცხადებაში.