საქართველოს საგარეო საქმეთა სამინისტრო, თითოეული დიპლომატი ჩვეული შემართებით გააგრძელებს ჩვენი ქვეყნის საუკეთესო ინტერესების დაცვას საზღვარგარეთ, – ამის შესახებ საგარეო საქმეთა ახალმა მინისტრმა დავით დარჩიაშვილმა წარდგენის შემდეგ განაცხადა.
დარჩიაშვილმა პრემიერ-მინისტრს გამოცხადებული ნდობისთვის მადლობა გადაუხადა და აღნიშნა, რომ ქართველი ხალხის კეთილდღეობაზე ზრუნვა მისთვის დიდ პატივთან ერთად პასუხისმგებლობაცაა.
„ბატონო პრემიერ-მინისტრო, მინდა მადლობა გადაგიხადოთ გამოცხადებული ნდობისთვის თქვენს გუნდში. თქვენთან ერთად ჩვენი ხალხის კეთილდღეობაზე ზრუნვა ჩემთვის დიდი პატივია და ამავდროულად დიდი პასუხისმგებლობა. საქართველოს საგარეო საქმეთა სამინისტრო, თითოეული დიპლომატი ჩვეული შემართებით გააგრძელებს ჩვენი ქვეყნის საუკეთესო ინტერესების დაცვას საზღვარგარეთ. მინდა ბატონ დავითს გადავუხადო მადლობა და ვუსურვო მას წარმატებები მის მომავალ პროფესიულ ცხოვრებაში. დიდი მადლობა ყველას“, – განაცხადა დარჩიაშვილმა.
ცნობისთვის, დავით დარჩიაშვილი საგარეო საქმეთა მინისტრმა ირაკლი ღარიბაშვილმა დღეს წარადგინა. რაც შეეხება საგარეო საქმეთა ყოფილ მინისტრს, დავით ზალკალიანს, ის ამერიკის შეერთებულ შტატებში ელჩად დაინიშნა.