ლაშა ხუციშვილი – ქვეყნის განვითარებისთვის აუცილებელია, საჯარო სექტორში შრომის ანაზღაურება დაუახლოვდეს კერძო სექტორში იმავე კვალიფიკაციის დასაქმებულის ანაზღაურებას

153
წაკითხვა/ნახვა
რეკლამა -------------------- IMG.GE

ქვეყნის განვითარებისთვის აუცილებელია, საჯარო სექტორში შრომის ანაზღაურება დაუახლოვდეს კერძო სექტორში იმავე კვალიფიკაციის დასაქმებულის ანაზღაურებას, – განაცხადა საქართველოს ფინანსთა მინისტრმა, ლაშა ხუციშვილმა ფინანსთა სამინისტროს 10-წლიანი სამოქმედო გეგმის პრეზენტაციისას.

მისი თქმით, სახელმწიფოსთვის მნიშვნელოვანი რეფორმების განხორციელება და მთავარი მიზნის, მაღალი და მდგრადი ეკონომიკური ზრდის მიღწევა შეუძლებელია ეფექტური ბიუროკრატიის, მაღალი კვალიფიკაციის მქონე საჯარო მოხელეების გარეშე.

„როდესაც ვსაუბრობთ გრძელვადიანი მიზნების მიღწევაზე, აუცილებელია, გარკვეული რესურსები მიიმართოს საჯარო მოხელეთა ხელფასების მოწესრიგებაზეც, რაც საშუალებას მოგვცემს, საჯარო სექტორში შევინარჩუნოთ კვალიფიციური კადრები. კვალიფიციური მოხელეების ხელფასების ზრდა არ უნდა გახდეს მუდმივად პოლიტიზების საგანი, ამიტომ საკანონმდებლო დონეზე უნდა ჩამოყალიბდეს გარკვეული წესები – ფორმულა, რომლის მიხედვითაც ყოველწლიურად განხორციელდება კვალიფიციური საჯარო მოხელეების ხელფასების ზრდა და შენარჩუნებული იქნება კონკურენტუნარიანობა“, – განაცხადა ფინანსთა მინისტრმა ლაშა ხუციშვილმა.

როგორც მან აღნიშნა, შედეგად, ქვეყანას ეყოლება სათანადო კვალიფიკაციის მქონე საჯარო სექტორი, უფრო ეფექტური ბიუროკრატია, რაც ქვეყნის ინსტიტუტების სიძლიერის მნიშვნელოვანი გარანტია.

კომენტარები
რეკლამა
მოწონება