ხელვაჩაურის მუნიციპალიტეტის ტერიტორიაზე ინფრასტრუქტურული სამუშაოები აქტიურ რეჟიმში მიმდინარეობს.
დღეს, ხელვაჩაურის მუნიციპალიტეტის მერმა ზაზა დიასამიძემ, ადმინისტრაციული სამსახურის ხელმძღვანელმა ნონა ქოქოლაძემ და ა(ა)იპ “მუნიციპალური ინსპექციის, ინფრასტრუქტურისა და კეთილმოწყობის სამმართველო”-ს ხელმძღვანელმა მანუჩარ მანველიძემ, სხვადასხვა ლოკაციაზე დასრულებული და მიმდინარე ინფრასტრუქტურული სამუშაოები მოინახულეს.
სოფელ მარადიდში (ძაბალავეთი) ქვედა ქუთურეთის მიმართულებით მოეწყო სამანქანე ხიდი, რომელიც სოფლის სასაფლაოებთან მისასვლელი ერთადერთი გზაა, ხიდით ასევე ისარგებლებენ სასაზღვრო პოლიცია და ქვედა ქუთურეთის მცხოვრები 14 ოჯახი.
სოფელ თხილნარის მეურნეობაში რევაზ ბერიძისა და ასლან ბერიძის საცხოვრებელი სახლის მიმართულებით 410 გრძივი მეტრი შიდა სასოფლო გზის რეაბილიტაცია.
სამუშაოები შეასრულა – შპს „ვერ ბალ გრუპ“ .
პროექტის ღირებულება – 34 622 ლარი.
თხილნარის (აგარის) დაწყებითი სკოლის რეაბილიტაცია.
სამუშაოები შეასრულა – შპს „იორ ბუილდინგ კომპანი“.
პროექტის ღირებულება – 132 040 ლარი.
სოფელ თხილნარის მეურნეობაში, განახლებული რეგიონების პროგრამის ფარგლებში, მინი მოედანთან საზოგადოებრივი და გასართობი სკვერის მოწყობა.
სამუშაოებს ასრულებს – შპს „სტარტ+“ .
პროექტის ღირებულება – 67 698 ლარი.