მიხეილ სააკაშვილის ადვოკატი ვალერი გელბახიანი აცხადებს, რომ „ნაცმოძრაობაში“ სააკაშვილის პოლიტიკიდან გასვლასთან დაკავშირებით ინფორმაცია ვერ ექნებოდათ, იმიტომ რომ ის პარტიის ლიდერებთან არ კონტაქტობს.
„ჩვენი თხოვნა იყო, რომ ჩვენ გარეშე არ გაკეთებულიყო ისეთი განცხადებები, რომელიც ჩვენთვის არ იქნებოდა ცნობილი, რათა უხერხულ მდგომარეობაში არ აღმოვჩნდეთ. ისედაც ბევრ რამეს გვაბრალებენ, თითქოს ინტერპრეტაციებს ვაკეთებთ და მოვიგონეთ რაღაცები. ჩვენ არ ვართ ფოსტალიონები. პარტიის წევრებს არ ექნებათ ინფორმაცია მიხეილ სააკაშვილისგან, იმიტომ რომ არ კონტაქტობს ის პარტიის ლიდერებთან. მხოლოდ ოჯახის წევრებს და ადვოკატებს ხვდება და საიდან უნდა ჰქონოდათ ინფორმაცია? არის მარტივი ფორმულა – მისი სიცოცხლეა საფრთხეში. დაკარგული აქვს ის ენერგია, რაც ჰქონდა. სხვა ადამიანია – სახელი და გვარი ისაა, მაგრამ ფიზიკურად სხვა ადამიანია“, – აცხადებს გელბახიანი.