IMG.GE ___________________________________ IMG.GE

ბათუმში, მირიან მეფის ქუჩაზე, ორსართულიან კერძო სახლში აფეთქება მოხდა, რის შედეგადაც ოთხი ადამიანი დაშავდა. აფეთქების შედეგად სახლის ნაწილი ჩამოინგრა.

წინასწარი ინფორმაციით, აფეთქება ბუნებრივი აირის გაჟონვამ გამოიწვია.

დაშავებულები კლინიკაში გადაიყვანეს. არსებული ინფორმაციით, ერთი მათგანი მსუბუქად არის დაშავებული.

„მეორე სართულზე მოხდა აფეთება, სახლის ნაწილი დანგრეულია. მეორე სართული არის გაქირავებული. შემთხვევის დროს ოთხი ადამიანი იყო სახლში, მათ შორის მეპატრონე. ყველა კლინიკაშია გადაყვანილი. გადაყვანის დროს კონტაქტურები იყვნენ“, – აცხადებენ მეზობლები.

ფაქტთან დაკავშირებით გამოძიება სსკ-ის 240-ე პრიმა მუხლით დაიწყო, რაც ელექტრო ან თბოენერგიის გამოყენების დროს უსაფრთხოების წესების დარღვევას გულისხმობს.

კომენტარის დატოვება
IMG.GE
გაზიარება