საქართველოს პრემიერ-მინისტრი ირაკლი ღარიბაშვილი რეგიონული ტურნეს ფარგლებში დღეს იმერეთს ეწვევა.
მთავრობის მეთაური, მინისტრთა კაბინეტის წევრებთან ერთად, რეგიონში მიმდინარე ინფრასტრუქტურულ პროექტებს დაათვალიერებს, ასევე ეწვევა სახელმწიფო დაფინანსებით შექმნილ საწარმოებს და გაეცნობა იმ სამუშაოებს, რომლებიც მის მიერ ინიცირებული პროგრამის „განახლებული რეგიონების“ ფარგლებში მიმდინარეობს.
მთავრობის მეთაური 13:00 საათზე, „განახლებული რეგიონების“ პროგრამის ფარგლებში ქუთაისში, ფალიაშვილის გამზირის სარეაბილიტაციო სამუშაოებს პირადად გაეცნობა.